فرمان الہی
نماز کے اوقات
پاکستان شوبز انڈسٹری کی معروف اداکارہ و میزبان نوشین شاہ نے اپنی فٹنس کے پیچھے چھپے راز سے پردہ اٹھایا ہے۔
اداکارہ نے حال ہی میں ایک نجی ٹی وی چینل کو انٹرویو دیا ہے۔
اس موقع پر نوشین شاہ نے ایوارڈ شوز سے متعلق پوچھے گئے سوال کے جواب میں بتایا کہ میرے خیال میں ایوارڈز شو جعلی نہیں ہوتے، ایوارڈ اسے ہی دیا جاتا ہے جو اس کی قابلیت رکھتا ہے، ایوارڈ شوز کو دھوکا یا جعلی کہنا غلط تاثر ہے۔
انہوں نے کہا مجھے کئی ایوارڈز مل چکے ہیں، جو ایوارڈز کے قابل ہوتا ہے اسے ایوارڈ سے نواز دیا جاتا ہے۔
اداکارہ نوشین شاہ نے کہا ہے کہ مجھے نجی تقریبات میں جانا پسند نہیں، میں بہت کم باہر لوگوں میں اٹھتی بیٹھتی ہوں۔
انہوں نے انکشاف کیا کہ میں پہلے اپنے پیسے کپڑوں، جوتوں اور پرفیومز پر اڑا دیا کرتی تھی مگر اب ایسا نہیں ہے، اب میں اپنی ذات پر پیسہ خرچ کرنے کے بجائے سوچتی ہوں کہ کیوں نہ اس پیسے کو گھر میں کسی بہن بھائی کو دے دیا جائے یا گھر سے باہر کسی ضرورت مند کی مدد کر دی جائے۔
اداکارہ نے انکشاف کیا کہ ہم فنکاروں کو کسی بھی تقریب یا عید کے لیے برانڈز کی جانب سے جوڑے فراہم کیے جاتے ہیں، اب میں نے اس لیے بھی شاپنگ کرنا کم کر دی ہے۔
اپنی فٹنس اور ڈائیٹ پلان سے متعلق پوچھے گئے سوال کے جواب میں اداکارہ نے بتایا کہ میں کوئی خاص ڈائیٹ پلان فالو نہیں کرتی ہوں، نہ کیٹو اور نہ ہی انٹرمیٹنٹ فاسٹنگ، میری ایسی ڈائیٹ نہیں ہے کہ میں صرف دو ابلے ہوئے انڈے کھاؤں اور بعد میں صرف سلاد پر گزارا کروں یا شام 4 بجے کے بعد کھانا پینا بند کر دوں۔
نوشین شاہ نے بتایا کہ میں جم جاتی ہوں اور کھانے پینے میں تھوڑا احتیاط کرتی ہوں، میں کبھی بہت زیادہ اسمارٹ اور کبھی کبھار موٹی بھی ہو جاتی ہوں۔
