• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی بیوروکریسی کی حالیہ ترقیوں میں میرٹ کی دھجیاں اڑا ئی گئیں، بیرسٹر سیف

میرا شہر
پشاور
28 مارچ ، 2025
پشاور(جنگ نیوز)وزیر اعلیٰ خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے کہا ہے کہ وفاقی بیوروکریسی کی حالیہ ترقیوں میں میرٹ کی دھجیاں اڑا دی گئی ہیں،وفاقی حکومت نے اہل افسران کو نظر انداز کرتے ہوئے اپنی طرح نااہل افسران کو ترقی دی ہے، پیپلز پارٹی اور مسلم لیگ (ن) نے اپنے پسندیدہ افسران کو ترقی دے کر میرٹ کی پامالی کی۔ بیرسٹر ڈاکٹر سیف نے کہا کہ گریڈ 19 سے 22 تک ترقیوں کو نااہل اور من پسند افسران میں بانٹ دیا ہے،جونیئر اور نااہل افسران کو سینئر اور اہل افسران پر فوقیت دی گئی۔انہوں نے کہا کہ ترقی کی واحد شرط عمران خان اور پی ٹی آئی کو دبانا تھی۔جو آفیسر پی ٹی آئی کے خلاف فسطائیت میں حکومت کا ساتھ دے رہا ہے، اسے ترقی دی گئی۔بیرسٹر ڈاکٹر سیف نے مزید کہا کہ جن افسران نے فسطائیت کا ساتھ دینے سے انکار کیا، انہیں نظر انداز کر دیا گیا بغضِ عمران میں جعلی حکومت نے بیوروکریسی کو بھی تباہی کے دہانے پر لا کھڑا کیا۔ ان کا کہنا تھا کہ عدلیہ کے بعد اب بیوروکریسی کو بھی کنٹرول کرنے کی کوشش کی جا رہی ہے۔
پشاور سے مزید