• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معذور اور بے سہارا بچوں کیلئے معاشرتی سطح پر کام کرنا ہوگا، عائشہ بانو

میرا شہر
پشاور
30 مارچ ، 2025
پشاور (وقائع نگا ر)معاشرے کے معذور افراد اور بچوں کی حوصلہ افزائی اور خدمت، ہمدردی اور انسانی اقدار کو فروغ دینے کیلیے عائشہ فاؤنڈیشن کے زیر اہتمام ʼʼمہمان رحمتʼʼ کے عنوان سے ایک خصوصی افطار ڈنر کا انعقاد کیا گیا جس میں افراد باہم معزوری،معزور بچوں نے والدین کے ساتھ اور سماجی و سیاسی شخصیات نے شرکت کی تقریب کے مہمان خصوصی رکن صوبائی اسمبلی خیبر پختونخوا سمیع اللہ تھے جبکہ انکے ہمراہ دیگر مہمانان میں،سابق رکن خیبر پختونخوا اسمبلی عائشہ بانو اور معروف قانون دان اور انسانی حقوق کی علمبردار، محترمہ روباب مہدی بھی موجود تھیں فاؤنڈیشن کی چئیرپرسن طیبہ بتول نے تمام مہمانان کو خوش آمدید کہا، تقریب میں شرکت کرنے پر انکا شکریہ ادا کیا اور فاؤنڈیشن کی خدمات پر روشنی ڈالی۔عائشہ بانو نے تقریب سے خطاب کرتے ہوئے کہا کہ معذور اور بے سہارا بچوں کی فلاح و بہبود کے لیے ہمیں نہ صرف حکومتی سطح پر بلکہ معاشرتی سطح پر بھی مل کر کام کرنا ہوگا۔ ہمیں ان بچوں کے لیے تعلیم، صحت، اور روزگار کے بہتر مواقع فراہم کرنے چاہئیں تاکہ وہ معاشرے میں اپنا مثبت کردار ادا کر سکیں۔ʼʼروباب مہدی نے خصوصی افراد کے قانونی حقوق پر روشنی ڈالتے ہوئے کہا کہ خصوصی افراد کو معاشرے کا فعال شہری بنانے کے لیے ہمیں ان کے حقوق کا مکمل تحفظ فراہم کرنا ہوگا۔ ہمیں ان کے لیے تعلیمی اور پیشہ ورانہ مواقع بڑھانے ہوں گے تاکہ وہ خودمختار زندگی گزار سکیں۔
پشاور سے مزید