فرمان الہی
نماز کے اوقات
سعودی عرب میں تیل اور گیس کے 14 نئے ذخائر دریافت ہوئے ہیں۔
عرب میڈیا کے مطابق اس حوالے سے سعودی وزیرِ توانائی شہزادہ عبدالعزیز بن سلمان نے اعلان کرتے ہوئے کہا ہے کہ سعودی آئل کمپنی آرامکو نے منطقہ شرقیہ اور الربع الخالی میں تیل اور قدرتی گیس کے 14 نئے ذخائر دریافت کیے ہیں۔
میڈیا رپورٹس کے مطابق ان دریافتوں میں آئل کی 6 فیلڈز اور 2 ذخائر ہیں جبکہ قدرتی گیس کی 2 فیلڈز اور 4 ذخائر ہیں۔
سعودی شہزادہ عبدالعزیز بن سلمان نے دریافت ہونے والے تیل کے کنوؤں کے حوالے سے بتایا ہے کہ مشرقی ریجن کے کنوئیں ’الجبو 1‘ سے تیل کا اخراج بہت کم یعنی یومیہ 800 بیرل کے مساوی تھا جبکہ صیاھد آئل فیلڈ سے 630 بیرل یومیہ تیل دریافت ہوا ہے۔
دوسری جانب عیفان آئل فیلڈ کے کنوئیں ’عیفان 2‘ سے یومیہ 2840 بیرل جبکہ وہاں سے یومیہ 0.44 ملین کیوبک فٹ قدرتی گیس بھی حاصل کی جا رہی ہے۔
الجبیلہ کے البری آئل فیلڈ کے کنوئیں سے 520 بیرل یومیہ کی شرح سے ہلکے بہاؤ کے ساتھ دریافت ہونے والے کنوئیں میں 0.2 ملین مکعب فٹ قدرتی گیس بھی موجود ہے۔
