• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ پولیس اور محکمہ ٹرانسپورٹ کی موٹر وہیکلز آرڈیننس میں ترمیم کی تجویز

آج کا اخبار
اہم خبریں
16 اپریل ، 2025
کراچی( اسٹاف رپورٹر )چیف سیکریٹری سندھ آصف حیدر شاہ کی زیر صدارت سینٹرل پولیس آفس میں اجلاس منعقد ہوا ۔اجلاس میں سندھ پولیس اور ٹرانسپورٹ ڈیپارٹمنٹ نے سندھ کے صوبائی موٹر وہیکلز آرڈیننس 1965 میں اہم ترامیم کی تجویز دی ہے تاکہ صوبے میں سڑکوں کی حفاظت اور قانون کے نفاذ کو مزید مضبوط کیا جا سکے، گاڑیوں کی رجسٹریشن کی مدت 6ماہ سے ایک ماہ کرنے، ڈرائیونگ کورس متعارف کروانے کی بھی تجویز۔ اجلاس میں صوبے میں ٹریفک سے متعلق مسائل کے حل کے لیے مختلف اقدامات پر بات کی گئی تاکہ سڑکوں پر بہتر نفاذ اور حفاظت کے اقدامات کو یقینی بنایا جا سکے۔اجلاس میں سندھ پولیس کے آئی جی غلام نبی میمن، کراچی کے کمشنر سید حسن نقوی، ایکسائز اور ٹیکسیشن کے سیکریٹری محمد سلیم راجپوت، قانون کے سیکریٹری علی احمد بلوچ، ٹرانسپورٹ کے سیکریٹری اسد ظامن، عمل درآمد اور کوآرڈینیشن کے سیکریٹری عابد سلیم، ایڈیشنل آئی جی کراچی جاوید عالم اوڈھو، ڈی آئی جی ٹریفک پیر محمد شاہ، اور ڈی آئی جی ڈرائیونگ لائسنس سمیت دیگر اہم حکام نے شرکت کی۔
اہم خبریں سے مزید