• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسپیکر کے پی اسمبلی کو کرپشن الزامات میں کلین چٹ دینے پر PTI احتساب کمیٹی میں اختلافات

آج کا اخبار
اہم خبریں
21 اپریل ، 2025
پشاور(ٹی وی رپورٹ)اسپیکر خیبر پختونخوا اسمبلی بابر سلیم سواتی کو کرپشن الزامات کی تحقیقات میں کلین چٹ دینے والی انٹرنل احتساب کمیٹی میں اختلافات سامنے آگئے۔احتساب کمیٹی کے رکن مصدق عباسی نے قاضی انور ایڈووکیٹ کی جانبسے رپورٹ پی ٹی آئی سیکرٹری جنرل سلمان اکرم راجا کو بھیجنے پر بھی اعتراض اٹھا دیا۔قاضی انور ایڈووکیٹ نے بھی تسلیم کیا کہ تین رکنی کمیٹی کے رکن مصدق عباسی اس بات سے متفق نہیں ہیں کہ بابر سلیم سواتی نے کرپشن نہیں کی۔انہوں نے یہ بھی تسلیم کیا کہ کمیٹی کے ایس او پیز کے مطابق رپورٹ صرف بانی پی ٹی آئی کو بھیجی جا سکتی ہے لیکن سلمان اکرم راجا نے رپورٹ مانگی تھی اس لیے انہیں بھیج دی۔کمیٹی ذرائع کا کہنا ہے کہ کمیٹی کے دیگر دو ارکان مصدق عباسی اور شاہ فرمان دونوں ہی رپورٹ سلمان اکرم راجا کو بھیجنے پر نالاں ہیں۔
اہم خبریں سے مزید