فرمان الہی
نماز کے اوقات
معروف اسلامک اسکالر مفتی عبدالقوی اکثر ہی اپنے منفرد اور متنازع بیانات کے سبب خبروں کی زینت بنے رہتے ہیں۔
اِدھر وہ بیان دیتے ہیں اور اُدھر عوام حیران و پریشانی کی کیفیت سے دو چار ہو جاتے ہیں۔
حال ہی میں مفتی عبدالقوی کو ان کے حیران کُن بیان کے نتیجے میں شدید تنقید کا بھی نشانہ بنایا گیا۔
ایک انٹرویو کے دوران مفتی عبدالقوی نے الکوحل سے متعلق اپنے خیالات کا اظہار کرتے ہوئے کہا تھا کہ اس وقت دنیا میں کہیں بھی شراب دستیاب نہیں ہے، جس طرح تمباکو والا پان یا نسوار حلال ہے اسی طرح الکوحل بھی حلال ہے، شراب اور الکوحل میں فرق ہے۔
سوشل میڈیا پر مفتی قوی کا یہ بیان وائرل ہونا ہی تھا کہ صارفین نے ان پر تنقید شروع کردی۔
اب حال ہی میں ایک انٹرویو کے دوران مفتی عبدالقوی نے اپنے پرانے بیان کی تائید کرتے ہوئے کہا ہے کہ وہ اب بھی اپنے بیان ہر ڈٹے ہوئے ہیں، انہوں نے جو کچھ اپنے گزشتہ بیان میں کہا وہ تحقیق اور تجربے پر مبنی ہے۔
ان کا کہنا ہے کہ جب وہ فجر کی نماز پڑھا کر اور درس دے کر گھر آتے ہیں تو والدہ لسی کا بھرا جگ انہیں دیتی ہیں، وہ سفید لسی کو ’وائٹ ویسکی‘ قرار دیتے ہیں۔
مفتی عبدالقوی نے مزید کہا کہ اور صرف میں نہیں ساری دنیا کہتی ہے کہ لسی ’وائٹ ویسکی‘ ہے، لسی صرف میں نہیں پیتا ساری دنیا پیتی ہے، سب کا لسی سے متعلق یہی کہنا ہے۔
