فرمان الہی
نماز کے اوقات
یمن سے اسرائیلی دارالحکومت تل ابیب کے بین الاقوامی ہوائی اڈے پر راکٹ حملہ کے بعد اسرائیلی وزیرِ اعظم نیتن یاہو نے یمن کے حوثیوں کے خلاف حملے بڑھانے کا اعلان کیا ہے۔
نیتن یاہو نے کہا ہے کہ ماضی میں بھی یمن میں حوثیوں کے خلاف حملے کیے ہیں، یمن کے حوثیوں پر حملوں میں اضافہ کریں گے۔
واضح رہے کہ یمن سے اسرائیلی دارالحکومت تل ابیب کے بن گوریان ہوائی اڈے پر اتوار کی صبح راکٹ حملہ کیا گیا۔
میزائل ایئر پورٹ کی حدود کے اندر گرا جس کے نتیجے میں 8 افراد زخمی ہو گئے۔
اس صورتِ حال کے پیشِ نظر جرمن ایئر لائن گروپ نے تل ابیب کے لیے اپنی پروازیں معطل کر دیں۔
جرمن ایئر لائن گروپ کا کہنا ہے کہ تل ابیب کے لیے 6 مئی تک جرمن ایئر لائن کی پروازیں معطل رہیں گی۔
ادھر امریکی ایئر لائنز نے بھی تل ابیب کے لیے پروازیں معطل کرنے کا فیصلہ کر لیا ہے۔
حوثی اکثریتی تنظیم انصار اللّٰہ نے تل ابیب ایئر پورٹ پر بیلسٹک میزائل حملہ کیا تھا جبکہ اسرائیلی فضائی دفاعی نظام راکٹ کو مار گرانے میں ناکام رہا۔
