فرمان الہی
نماز کے اوقات
اسٹیٹ بینک نے شرح سود میں 1 فیصد کمی کردی مرکزی بینک نے شرح سود 12 فیصد سے کم کرکے 11 فیصد کردی۔
اسٹیٹ بینک کی مانیٹری پالیسی کمیٹی نے آج شرح سود میں کمی کا اعلان کیا ہے۔
اسٹیٹ بینک کی مانیٹری پالیسی کمیٹی نے شرح سود میں کمی کی تفصیلات بتاتے ہوئے کہا ہےکہ بجلی کی سرکاری قیمتوں میں کمی اور غذائی گرانی نے مہنگائی کی شرح تیزی سے کم کی ہے۔ مہنگائی کا منظر نامہ پچھلے تخمینوں کے مقابلے میں مزید بہتر ہوا ہے۔
ہیڈ لائن مہنگائی اپریل میں اعشاریہ تین فیصد رہی اور قوزی مہنگائی بھی نو فیصد سے کم ہوکر آٹھ فیصد ہوئی ہے۔ کرنٹ اکاونٹ سرپلس ہے۔ جبکہ معاشی نمو رواں مالی سال ڈھائی سے ساڑھے تین فیصد کے درمیان رہنے کی توقعات ہیں۔
مالی سال کے اختتام تک زرمبادلہ ذخائر 14 ارب ڈالر ہوجائیں گے۔ تجارتی ٹیرف سے پیدا ہوئی بے یقینی کیفیت اور بین الاقوامی سیاسی حالات معیشت کیلئے چیلنجز بن سکتے ہیں۔
اسٹیٹ بینک کی کوشش ہے کہ مہنگائی قابو میں رہے اور معاشی نمو پائیدار رہے۔ اس منظر میں ایم پی سی نے شرح سود میں ایک فیصد کمی کرکے محتاط زرعی پالسی موقف برقرار رکھنے کا فیصلہ کیا ہے۔
ممتاز معاشی تجزیہ کار محمد سہیل نے کہا ہے کہ حالیہ پاک بھارت کشیدگی اور امریکا کی جانب سے ٹیرف کی صورتحال کے باوجود شرح سود میں کمی ایک انتہائی مثبت فیصلہ ہے۔
جیو نیوز سے گفتگو میں محمد سہیل نے کہا کہ شرح سود میں کمی ظاہر کرتی ہے کہ مرکزی بینک کو آنے والے دنوں میں مہنگائی کی شرح میں مزید کمی کی توقع ہے۔
