فرمان الہی
نماز کے اوقات
پیلے رنگ کے ترش ذائقہ والا لیموں ہر خاص و عام میں مقبول ہے۔ اسے مشروبات، کھانوں اور پھلوں میں شامل کر کے استعمال کیا جاتا ہے۔
لیموں کی سکنجبین ہر ایک کو پسند ہوتی ہے۔ موسم گرما میں سکنجبین فروش سڑک کے کناروں پر نظر آتے ہیں۔ لیموں کا رس وٹامن سی کا ذخیرہ ہونے کے ساتھ ساتھ کئی اہم غذائی اجزاء سے مالا مال ہے۔
ماہرین کے مطابق لیموں موسم گرما میں جسم میں پانی کی کمی نہیں ہونے دیتا۔ اس کا باقاعدہ استعمال چہرے کی جھریاں ختم کرتا ہے۔ موٹاپے سے متاثرہ افراد نہار منہ اس کا استعمال کرتے ہیں، جس سے کچھ ہی عرصے میں ان کے وزن میں کمی آنا شروع ہوجاتی ہے۔
لیموں ہاضمہ بہتر کرتا ہے جبکہ سانس کو مہکانے کے لیے بھی اس کا استعمال کیا جاتا ہے۔ گردوں میں پتھری سے پریشان افراد اگر اس کا باقاعدہ استعمال کریں تو صحت یاب ہو سکتے ہیں۔ جسمانی نظام کو بہتر کرنے کے لیے لیموں کا استعمال بہت ضروری ہے۔
ایک پاؤ لیموؤں کا رس
پانی: ½–1 لیٹر
شکر (سفید): حسبِ ضرورت
گلو کوز: 12 چائے کے چمچ
ایسنس لیمن: حسبِ ضرورت
اورنج ایسنس: حسبِ ضرورت
لیموں کا رس ، شکر اور پانی مکس کریں۔ پھر اس میں گلو کوز شامل کرلیں۔ جب شربت ایک جیسا ہو جائے تو اسے ٹھنڈ ا ہونے کے لیے رکھ دیں۔
اب اس میں لیمن اور اورنج ایسنس ملا دیں۔
بہترین ذائقے کی سکنجبین (لائم جوس) تیار ہے۔
