فرمان الہی
نماز کے اوقات
کراچی،لاگوس،جوہانسبرگ(جنگ نیوز) امریکی امداد بند ہونے سے نائجیریا سے پاکستان تک ٹی بی مریض بے یار و مددگاررہ گئے۔خطرناک مرض کیخلاف عالمی کوششیں خطرے میں،تحقیق، جانچ اور علاج متاثر ہونے سےٹی بی کا پھیلاؤ روکنے میں ناکامی کا خدشہ پیدا ہوگیا۔پاکستان کے متاثرہ علاقوں میں بچوں پر خاص طور پر منفی اثر پڑےگا۔ماہرین اور فلاحی تنظیمیں اس پر تشویش کا اظہار کر رہی ہیں اور فوری اقدامات کی ضرورت پر زور دے رہی ہیں۔ خصوصی رپورٹ کے مطابق سابق صدر ڈونلڈ ٹرمپ کی جانب سے امریکی ادارہ برائے بین الاقوامی ترقی (USAID) کی فنڈنگ میں شدید کمی کے باعث دنیا بھر میں ٹی بی کے خلاف ہونے والی پیش رفت متاثر ہو رہی ہے، خاص طور پر ان ممالک میں جہاں یہ بیماری اب بھی بڑے پیمانے پر موجود ہے۔ ٹی بی سے متعلق پروگراموں کی مالی معاونت میں امریکی کٹوتیوں نے نائجیریا، پاکستان، جنوبی افریقہ، فلپائن اور بھارت جیسے ممالک میں اس مرض کی جانچ، علاج اور روک تھام کی کوششوں کو شدید متاثر کیا ہے۔ پاکستان میں متاثرہ علاقوں میں کمیونٹی سطح پر ٹی بی کی جانچ متاثر ہوئی ہے جس سے بچوں پر خاص طور پر منفی اثر پڑنے کا خدشہ ہے۔
