فرمان الہی
نماز کے اوقات
مردان میں گیس لیکیج کے دھماکے سے دو منزلہ مکان کی چھت گر گئی، جس کے نتیجے میں ایک ہی خاندان کے 6 افراد جاں بحق ہوگئے، جن کی نمازِ جنازہ ادا کر دی گئی۔
پولیس کے مطابق ارم کالونی کے ایک گھر کی دوسری منزل پر رات گئے گیس لیکیج کے باعث دھماکا ہوا جس سے گھر کی چھت گرگئی۔
حکام نے بتایا کہ حادثے میں ایک ہی خاندان کے 6 افراد جاں بحق ہوئے جن کی نماز جنازہ ریلوے اسٹیشن گراؤنڈ میں ادا کردی گئی۔
نماز جنازہ میں شہریوں کی بڑی تعداد نے شرکت کی۔
پولیس کے مطابق حادثے میں 2 بچے بھی زخمی ہوئے، ریسکیو کی ٹیم نے سات گھنٹے کی جدوجہد کے بعد صبح زخمی ہونے والوں کو ملبے سے نکال کر مردان میڈیکل کمپلیکس منتقل کردیا ہے۔
