فرمان الہی
نماز کے اوقات
کشن گنگا اور رتلے منصوبوں پر ثالثی عدالت کا ضمنی فیصلہ سامنے آگیا۔ دفتر خارجہ کے ترجمان کے مطابق ثالثی عدالت نے پاک بھارت تنازع پر اپنی مکمل آئینی حیثیت کو برقرار رکھا ہے۔
ترجمان کے مطابق ثالثی عدالت نےکہا کہ وہ ان معاملات کو بروقت، مؤثر اور منصفانہ طریقے سے آگے بڑھانے کی پابند ہے، پاکستان نے بھارت کے سندھ طاس معاہدے کو معطل کرنے کے اعلان کو غیر قانونی قرار دیا۔
دفتر خارجہ کے ترجمان کے مطابق ثالثی عدالت کے ضمنی فیصلے کا خیر مقدم کرتے ہیں۔
انھوں نے کہا یہ فیصلہ پاکستان کے مؤقف کی تائید ہے کہ سندھ طاس معاہدہ بدستور مؤثر اور قابلِ عمل ہے، بھارت کو چاہیے کہ وہ معاہدے کی معمول کی عملداری فوری بحال کرے۔
دفتر خارجہ کے ترجمان کے مطابق پاکستان نے بھارت پر زور دیا ہے کہ معاہدے کی تمام شقوں پر مکمل اور ایمانداری سے عمل کرے۔
