فرمان الہی
نماز کے اوقات
کراچی (اسٹاف رپورٹر ) میئر کراچی بیرسٹر مرتضیٰ وہاب کی ہدایت پر بلدیہ عظمیٰ کراچی کے محکمہ میونسپل سروسز نے متوقع مون سون سیزن کی برسات کے ممکنہ چیلنجز سے نمٹنے کے لیے اپنی شہر بھر میں جاری نالوں کی صفائی مہم کو اب تمام ٹاؤن میونسپل کارپوریشنز کے دائرہ اختیار میں آنے والے بڑے نالوں تک بڑھا دیا ہے،اس سلسلے میں شہر بھر میں وسیع پیمانے پر نالوں کی صفائی کا آغاز کر دیا ہے اور ٹاؤن سطح کے اہم برساتی نالوں کو روزانہ کی صفائی کے شیڈول میں شامل کیا گیا ہے تاکہ نکاسی آب کی مؤثر حکمتِ عملی کو یقینی بنایا جاسکے،میئرکراچی بیرسٹر مرتضیٰ وہاب نے کہا ہےکہ ٹاؤن میونسپل کارپوریشنز کے نالوں کو صفائی مہم میں شامل کرنے سے بارش کے دوران پانی کے بہاؤ میں بہتری اور شہری سیلاب کے خطرات میں واضح کمی آئے گی۔
