• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مون سون سیزن، ملک بھر میں 49 بچوں سمیت 104 شہری جاں بحق، 413 گھر تباہ

آج کا اخبار
اہم خبریں
14 جولائی ، 2025
اسلام آباد (نمائندہ جنگ )حالیہ مون سون بارشوں کے دوران 26جون سے 12جولائی تک ملک بھر میں 49بچوں سمیت 104شہری جاں بحق اور 200زخمی ہوئے، اب تک 413گھر تباہ ہوئے اور111جانور بھی ہلاک ہو چکے ہیں۔ نیشنل ڈیزاسٹر مینجمنٹ اتھارٹی (این ڈی ایم اے) کے مطابق مون سون بارشوں نے گزشتہ 24گھنٹے کے دوران مزید 6افراد کی جان لے لی۔ این ڈی ایم اے نے حالیہ مون سون بارشوں اور سیلاب سے ہونے والی تباہی، مالی اور جانی نقصان کی رپورٹ جاری کردی ہے‘جاں بحق ہونے والوں میں 49 بچے،37مرد اور18خواتین شامل ہیں جبکہ زخمی ہونے والوں میں 78مرد، 76بچے اور 46واتین شامل ہیں۔این ڈی ایم اے کے مطابق گزشتہ 24 گھنٹے کے دوران مون سون بارشوں سے 6افراد ہلاک ہوئے، جب کہ مختلف واقعات میں 15افراد زخمی بھی ہوئے۔ حکام کا کہنا ہے کہ سب سے زیادہ جانی نقصان فلیش فلڈنگ کے باعث ہوا ہے۔
اہم خبریں سے مزید