فرمان الہی
نماز کے اوقات
معروف اداکار ہمایوں سعید نے انکشاف کیا کہ مجھے شروع سے ہر فلم پر نفرت ملی، میں نے اپنی عمر کا طعنہ بھی سہا۔
پاکستانی شوبز انڈسٹری کے معروف اداکار، پروڈیوسر اور کامیاب ترین اسٹارز میں شمار ہونے والے ہمایوں سعید نے حال ہی میں ایک انٹرویو میں اپنے کیریئر میں مسلسل ملنے والی تنقید اور نفرت کے بارے میں کھل کر بات کی ہے۔
ہمایوں سعید پی ٹی وی کے ایک شو میں گفتگو کر رہے تھے، جہاں انہوں نے بتایا کہ اُنہیں کیریئر کے آغاز سے ہی تنقید کا سامنا رہا ہے۔
انہوں نے کہا کہ جب میں نے اپنی پہلی فلم انتہا کی تو مجھے عمر کے طعنے ملے، حالانکہ میں واقعی کالج میں ہی تھا، لیکن پھر بھی کہا گیا کہ میں کالج کے لڑکے کے کردار کے لیے بوڑھا لگتا ہوں۔
ان کا کہنا تھا کہ مجھے یاد ہے، ایک آرٹیکل میں لکھا تھا کہ ہمایوں سعید اپنے کردار کے لیے بہت بڑے لگتے ہیں دراصل، میں کبھی لڑکا نظر آیا ہی نہیں، میں ہمیشہ آدمی لگتا تھا، چاہے عمر کچھ بھی ہو۔
واضح رہے ہمایوں سعید آج پاکستان کے بڑے ناموں میں شامل ہیں، ان کے کریڈٹ پر کئی سپرہٹ ڈرامے اور فلمیں ہیں جس میں میرے پاس تم ہو، دل لگی، پنجاب نہیں جاؤں گی، محبتوں کے سلسلے اور دیگر شامل ہیں، ان کی حالیہ فلم لوگرو نے 77 کروڑ روپے کا بزنس کر کے کامیابی کے جھنڈے گاڑ دیے ہیں۔
