فرمان الہی
نماز کے اوقات
جماعت اسلامی بنگلادیش کے امیر شفیق الرحمن جلسے سے خطاب کے دوران طبیعت خراب ہونے کے باعث گر گئے۔
بنگلادیشی میڈیا رپورٹ کے مطابق ہفتے کے روز ڈھاکا میں واقع سہروردی اُدیان میں پارٹی جلسے سے خطاب کے دوران طبیعت خراب ہونے سے شفیق الرحمان دو بار گرے۔
امیر جماعت اسلامی بنگلادیش تقریر کے دوران اچانک گر پڑے، مگر کچھ دیر بعد دوبارہ اٹھ کر تقریر شروع کی، لیکن چند منٹ بعد وہ ایک بار پھر گر گئے۔
طبیعت ناساز ہونے کے باوجود امیر جماعت اسلامی نے اسٹیج پر بیٹھ کر اپنی تقریر مکمل کی، اس دوران ڈاکٹرز ان کا معائنہ کرتے رہے۔
شفیق الرحمان نے نے اپنے خطاب میں کہا کہ اگر ہمیں حکومت کرنے کا موقع دیا گیا تو ہم عوام کے خادم بنیں گے، حاکم نہیں۔
بعد ازاں امیر جماعت اسلامی بنگلادیش کو اسپتال منتقل کردیا گیا۔
جلسے میں جماعت اسلامی کے کارکنوں کی بڑی تعداد شریک تھی، جبکہ امیر جماعت کی طبی کیفیت پر کارکنان اور رہنماؤں میں تشویش پائی گئی۔
جلسے میں جماعت اسلامی کے حامیوں نے انتخابی نظام میں اصلاحات کا مطالبہ کیا۔
خیال رہے کہ بنگلادیش کی سابق وزیراعظم حسینہ واجد کی حکومت میں جماعت اسلامی پر پابندی لگی رہی۔ بنگلا دیش کی سپریم کورٹ نے گزشتہ ماہ جماعت اسلامی پر سے پابندی ختم کی ہے۔
