فرمان الہی
نماز کے اوقات
لہنگا واپس نہ لینے پر بھارتی نوجوان نے کپڑے کی دکان پر ہنگامہ برپا کردیا جس کی ویڈیو سوشل میڈیا پر وائرل ہوگئی۔
بھارتی ریاست مہاراشٹر کے شہر کلیان میں ایک نوجوان نے کپڑوں کی دکان میں ہنگامہ کیا، دکان دار نے اس کی منگیتر کا خریدا گیا 32 ہزار روپے سے زائد کا لہنگا واپس لینے سے انکار کیا تو نوجوان آپے سے باہر ہوگیا، واقعے کی ویڈیو سوشل میڈیا پر تیزی سے وائرل ہوگئی۔
رپورٹس کے مطابق سیانی نامی نوجوان اس قدر طیش میں آ گیا کہ دکان میں داخل ہوتے ہی اس نے کپڑوں کو چاقو سے کاٹنا شروع کر دیا اور عملے کو دھمکیاں دیں۔
ویڈیو میں دیکھا جا سکتا ہے کہ وہ بلند آواز میں چلّا رہا ہے اور کہہ رہا ہے اگر میرے پیسے واپس نہ کیے تو تمہیں بھی اسی طرح کاٹ ڈالوں گا، اس کے بعد وہ لہنگے کے چیتھڑے دکان میں پھینک کر باہر نکل گیا۔
اس واقعے پر سوشل میڈیا صارفین کی جانب سے مختلف آراء سامنے آ رہی ہیں، ایک نے لکھا کہ جب واپس کرنا ہو تو خریدا ہی کیوں جاتا ہے؟ ایک صارف نے لکھا، منگیتر کو خوش کرنے کے چکر میں پولیس کی مار کھانے والے ہیں۔
