فرمان الہی
نماز کے اوقات
چین کے مشرقی صوبے انوہی سے تعلق رکھنے والے 60 سالہ کسان نے 5 ٹن وزنی آبدوز تیار کی ہے جس کا نام انہوں نے ’بگ بلیک فش‘ رکھا ہے۔
چینی کسان زھانگ شنگھو کے بارے میں بتایا گیا ہے کہ وہ بچپن سے ہی ایجادات کی تخلیق میں دلچسپی رکھتے تھے۔
زھانگ شنگھو نے شکوہ کیا کہ انکے گھر والوں نے اس شوق کی تکمیل میں کبھی ان کا ساتھ نہیں دیا، لیکن انہوں نے اپنے خواب کو ٹوٹنے نہیں دیا، اور اپنے ذہن میں موجود آبدوز کی ساخت کے بارے میں سوچنا شروع کردیا۔
زھانگ شنگھو ایک اچھے بڑھئی ہیں اور انہیں اس معاملے سے جڑے سمندری کاموں کا تجربہ بھی ہے، وہ جانتے تھے کسی جہاز کو پانی میں چلانے کا نظام (Propulsion system) کس طرح کام کرتا ہے۔
انہوں نے بتایا کہ ’جب میں نے ایک بار یہ طے کرلیا مجھے اس منصوبے کی تکمیل کے لیے کیا کچھ درکار ہوگا تو میرے ذہن میں اس کام کی تکمیل کے لیے ٹائم لائن بھی آگئی‘۔
انہوں نے ابتدا میں 5 ہزار چینی ین(699 امریکی ڈالر) خرچ کیے، جس سے فولادی پلیٹس، بیٹریز، انجن اور دوسرا سامان خرید کر پہلی آبدوز بنانے کا کام شروع کیا، جس کی تکمیل میں انہیں 6 مہینے کا وقت لگا، یہ سلسلہ وہیں نہیں رکا، انہوں نے مزید 40 ہزار چینی ین سے دوسری آبدوز پر کام شروع کردیا جو لمبائی میں 7 میٹر لمبی اور 1 اعشاریہ 8 میٹر اونچی ہے اس میں 2 افراد کے سوار ہونے کی گنجائش موجود ہے۔
یہ آبدوز 8 میٹر گہرائی میں جانے کے ساتھ 4 ناٹ فی گھنٹہ کی رفتار سے چلتی ہے۔
