فرمان الہی
نماز کے اوقات
بلیوں کے بارے میں یہ تصور عام ہے کہ یہ پانی میں بھیگنا بالکل پسند نہیں کرتیں اور اگر ان پر پانی ڈالنے کی کوشش کی جائے تو خوفزدہ ہو کر بھاگ جاتی ہیں۔
یہاں ماہرین کے تجزیے کی روشنی میں یہ جان لیتے ہیں کہ بلیوں کے بارے میں عام اس تصور میں کتنی حقیقت ہے۔
پانی کے ساتھ بلیوں کے تعلقات پر کوئی سائنسی تحقیق کا وجود نہیں ہے لیکن ماہرین کا خیال ہے کہ بلیوں کے اس رویے کی وجہ ان کی فطرت، جسامت اور انفرادی پرورش ہے۔
پانی کے ساتھ بلیوں کے تعلقات پر کوئی سرشار سائنسی تحقیق نہیں۔ ماہرین کا کہنا ہے کہ بلیوں کی حیاتیات اور ارتقائی تاریخ کے ساتھ ساتھ ان کی انفرادی پرورش میں بھی کچھ ممکنہ اشارے موجود ہیں۔
جانوروں کے رویے کے ماہر اور ماؤ آئیز کیٹ سائنس اینڈ ایجوکیشن کے بانی کرسٹین وائٹل کا خیال ہے کہ بلیوں کے پانی سے دور رہنے کی عادت کی ایک وجہ وہ ماحول ہو سکتا ہے جس میں ان کی پرورش ہوئی جیسے کہ افریقی بلیاں جو صحراؤں میں رہتی ہیں ان کا شاذ و نادر ہی پانی سے سامنا ہوتا ہے۔
اُنہوں نے مزید کہا کہ افریقی بلیاں پانی کے قریب یا پانی کے اندر شکار کے لیے بھی نہیں جاتیں، ان کی خوراک کا ایک بڑا حصہ زمینی جانوروں جیسے کہ چوہے ہیں، اس لیے بلیوں کا پانی سے دور بھاگنا کوئی حیرانی کی بات نہیں کیونکہ یہ ان کی فطرت ہے۔
مذکورہ نظریے سے سینٹ لوئس کی واشنگٹن یونیورسٹی میں حیاتیات کے پروفیسر اور کتاب ’دی کیٹس میاؤ: ہاو کیٹس ایوولڈ فرام دی ساوانا ٹو یور صوفہ‘ کے مصنف جوناتھن لوسوس مکمل طور پر قائل نہیں ہیں۔
اُنہوں نے اپنے خیالات کا اظہار کرتے ہوئے کہا کہ کسی جانور کے صحرا میں رہنے کا مطلب یہ نہیں کہ اسے پانی سے ڈر لگتا ہے اور افریقی جنگلات میں رہنے والی بلیاں صحرا میں صرف خشک جگہوں تک ہی محدود نہیں ہیں یعنی ان کا بھی پانی سے کبھی نہ کبھی سامنا ہوتا ہے۔
آکلینڈ یونیورسٹی میں جانوروں کے رویے کی ماہر جینیفر وونک نے ایک اور ممکنہ وجہ بتائی جس کی وجہ سے بلیاں پانی میں بھیگنا پسند نہیں کرتیں اور وہ یہ ہے کہ گیلا ہونا بلیوں کے لیے جسمانی طور پر تکلیف دہ ہے اور ممکنہ طور پر بھیگ جانے سے ان کی سونگھنے کی حس متاثر ہو سکتی ہے۔
اُنہوں نے مزید بتایا کہ بھیگنے سے بلیوں کی کھال پانی میں بھر جاتا ہے اور پھر ان کے لیے نقل و حرکت کرنا بھی مشکل ہوتا ہے جس کی وجہ سے شاید وہ بھیگنے کے بعد خود کو کمزور محسوس کرتی ہیں۔
جینیفر وونک نے کہا کہ پانی بلی کی قدرتی بو کو بھی چھپا سکتا ہے یا پھر پانی میں کوئی ایسی بو موجود ہو سکتی ہے جو بلیوں کو پسند نہ ہو۔
اُنہوں نے مزید کہا کہ بلیوں کی پانی سے دور بھاگنے کی عادت ممکنہ طور پر قدرتی فطرت اور پرورش کے انداز کا ایک مجموعہ ہے۔
