فرمان الہی
نماز کے اوقات
کالا شاہ کاکو کے قریب اسلام آباد ایکسپریس کی 6 بوگیاں پٹری سے اتر گئیں۔
ریسکیو حکام کا کہنا ہے کہ بوگیاں پٹری سے اترنے کے باعث 29 مسافر معمولی زخمی ہوئے ہیں، حادثے کے باعث ایک مسافر بوگی میں پھنس گیا تھا، جسے زخمی حالت میں نکال لیا گیا۔
ریسکیو کا کہنا ہے کہ 22مسافروں کو فرسٹ ایڈ دی گئی، جبکہ 7 زخمی اسپتال منتقل کردیے گئے، دو مسافروں کو بوگیوں سے نکال کر اسپتال منتقل کیا گیا۔
ترجمان ریسکیو کا کہنا ہے کہ تمام بوگیوں میں سرچ آپریشن مکمل کیا جا چکا ہے۔
وزیراعظم شہباز شریف نے ٹرین حادثے پر اظہارِ افسوس کرتے ہوئے ریسکیو ٹیموں کو فوری امدادی کارروائیاں شروع کرنے کی ہدایت کی۔
وزیراعظم نے زخمیوں کو ترجیحی بنیادوں پر فوری طبی امداد فراہم کرنے کا بھی حکم دیا۔
