فرمان الہی
نماز کے اوقات
واشنگٹن (اے ایف پی) ٹائٹن آبدوز سانحہ آپریٹر کی ناکامیوں کا نتیجہ تھا۔
کمپنی کے آپریشنز میں متعدد خامیاں اور ٹائٹن آبدوز کے ڈیزائن میں نقائص کی نشاندہی کی گئی۔
اس واقعے میں شہزادہ داؤد اور ان کے بیٹے سلیمان داؤد دو پاکستانی بھی جان سے ہاتھ دھو بیٹھے تھے۔
منگل کے روز جاری ہونے والی امریکی کوسٹ گارڈ رپورٹ کے مطابق 2023 میں ٹائی ٹینک کے ملبے کا دورہ کرنے والی نجی آبدوز کی ہلاکت خیز تباہی بنیادی حفاظتی اصولوں کی سنگین خلاف ورزیوں کا نتیجہ تھی۔
امریکی کوسٹ گارڈ کی تحقیقات میں OceanGate کمپنی کے آپریشنز میں متعدد خامیوں اور اس کی ’ٹائیٹن‘ آبدوز کے ڈیزائن میں نقائص کی نشاندہی کی گئی، جن کے باعث یہ افسوسناک واقعہ پیش آیا جس میں تمام پانچ مسافر ہلاک ہو گئے۔
تحقیقات میں کہا گیا OceanGate کی جانب سے آبدوز کی حفاظت، جانچ اور دیکھ بھال سے متعلق تسلیم شدہ انجینئرنگ پروٹوکولز کی خلاف ورزی اس تباہی کی بنیادی وجہ تھی۔
