جنوبی وزیرستان لوئر کے علاقے وانا رستم بازار میں ریموٹ کنٹرول بم دھماکے کے نتیجے میں 2 افراد جاں بحق اور 2 پولیس اہلکاروں سمیت 18 افراد زخمی ہوگئے۔
ڈی ایس پی عمران اللّٰہ کے مطابق ریموٹ کنٹرول بم دھماکا پولیس موبائل وین کے قریب ہوا۔ ڈی ایچ کیو اسپتال وانا میں ایمرجنسی نافذ کردی گئی ہے۔
دھماکے میں زخمی ہونے والوں کو اسپتال منتقل کردیا گیا ہے جبکہ پولیس نے واقعے کی تفتیش شروع کردی ہے۔
ڈی ایس پی کے مطابق ڈی ایچ کیو وانا میں زیرِ علاج زخمیوں میں سے 2 کی حالت تشویشناک ہے۔