فرمان الہی
نماز کے اوقات
اے آئی چیٹ بوٹ کے مشورے پر بھروسہ کرنا مہنگا پڑ گیا، اسپینش انفلوئنسر جوڑا پرواز سے محروم ہوگیا۔
اسپین کے مشہور ٹک ٹاکرز میری کالڈاس اور الیخاندرو سید نے دعویٰ کیا کہ انہیں پورٹو ریکو کی فلائٹ میں سوار ہونے سے روک دیا گیا کیونکہ انہوں نے ویزے سے متعلق معلومات ایک مصنوعی ذہانت چیٹ بوٹ سے حاصل کی تھیں جو غلط ثابت ہوئیں۔
کالڈاس کا کہنا تھا کہ میں نے چیٹ بوٹ سے پوچھا تو جواب ملا کہ پورٹو ریکو کے لیے کسی ویزے کی ضرورت نہیں، میں عام طور پر بہت تحقیق کرتی ہوں لیکن اس بار چیٹ بوٹ سے پوچھا اور اس نے کہا کوئی ضرورت نہیں۔
ٹک ٹاک پر 60 لاکھ سے زائد بار دیکھی جانے والی ویڈیو میں کالڈاس نے مزید کہا کہ شاید چیٹ بوٹ نے جان بوجھ کر غلط معلومات دیں کیونکہ وہ پہلے اسے بےکار جیسے الفاظ سے برا بھلا کہہ چکی ہیں۔
سوشل میڈیا صارفین نے جوڑے کو غیر مصدقہ ذرائع پر بھروسہ کرنے پر تنقید کا نشانہ بنایا، جبکہ کچھ نے وضاحت دی کہ اگرچہ ہسپانوی شہریوں کو پورٹو ریکو جانے کے لیے ویزے کی ضرورت نہیں ہوتی لیکن چونکہ یہ امریکی علاقہ ہے اس لیے ای ایس ٹی اے (ESTA) اجازت نامہ لازمی ہے۔
