فرمان الہی
نماز کے اوقات
گلگت بلتستان کے ضلع استور میں اللّٰہ والی جھیل کے قریب بدترین سیلاب کے باعث پہاڑوں سے بڑے بڑے پتھر ریلے میں بہہ کر آبادی میں آگئے۔
سیلابی ریلا راستے میں آئی ہر رکاوٹ بہا لے گیا، کنارے پر ایک مکان بھی بہہ گیا، سیلاب سے زرعی زمین، فصلوں اور مکانوں کو نقصان پہنچا۔
گلگت بلتستان کے وزیر داخلہ کے مطابق، حالیہ سیلاب سے گلگت بلتستان میں سات افراد جاں بحق اور گیارہ زخمی ہوئے، 4 اب تک لاپتہ ہیں، سیلابی ریلے سے نلتر ایکسپریس وے کا بڑاحصہ بہہ گیا، نلتر ویلی میں سیاح پھنس گئے۔
نلتر میں تین بجلی گھروں کو بند کردیا گیا، اسکردو میں شاہراہ بلتستان پر باغیچہ آر سی سی پُل بہہ گیا، لینڈ سلائیڈنگ کے باعث سڑک متعدد مقامات پر بند ہے، گانچھے میں سرمو پُل اور ضلع شگر میں بھی تین رابطہ پل دریا میں بہہ گئے۔
سیلاب سے 320 مکان تباہ اور تقریباً 700 کو جزوی نقصان پہنچا۔
