فرمان الہی
نماز کے اوقات
تاریخی وزیر خان مسجد میں فوٹو شوٹ کروانا مہنگا پڑگیا، ماڈل اور فوٹو گرافر کے خلاف مقدمہ درج کرلیا گیا۔
لاہور میں ایف آئی آر اکبری گیٹ تھانے میں محمد اویس کی مدعیت میں درج کی گئی ہے جو کہ والڈ سٹی آف لاہور اتھارٹی (WCLA) کے افسر ہیں، مقدمے میں ازبیا خان نامی ماڈل اور فوٹو گرافر زین شاہ کو نامزد کیا گیا ہے۔
مقدمے میں ماڈل ازبیا خان اور فوٹوگرافر زین شاہ کو نامزد کیا گیا ہے، جن پر الزام ہے کہ انہوں نے مسجد کی حرمت کی خلاف ورزی کی۔
محمد اویس کے مطابق، ماڈل نے 13 اگست کو مسجد کے احاطے میں نامناسب لباس میں ویڈیو ریکارڈ کی تھی اور اس کے لیے کوئی پیشگی اجازت بھی نہیں لی گئی تھی، واقعہ منظرِ عام پر آنے کے بعد مقدمہ درج کیا گیا۔
پولیس ذرائع کے مطابق مدعی نے ملزمان کے ایڈرس یا رابطہ تفصیلات فراہم نہیں کیں، نہ ہی ان کے ناموں کی تصدیق ہوسکی ہے، تاہم مسجد انتظامیہ کے تحفظات اور حکام کی ہدایت پر مقدمہ درج کر لیا گیا ہے، پولیس کا کہنا ہے کہ ملزمان کو ٹریس اور گرفتار کرنے کی کوششیں جاری ہیں۔
خیال رہے کہ اگست 2020 میں بھی وزیر خان مسجد میں اداکارہ صبا قمر اور گلوکار بلال سعید کے خلاف میوزک ویڈیو کی شوٹنگ پر مقدمہ درج کیا گیا تھا جسے مسجد کی حرمت کی خلاف ورزی قرار دیا گیا تھا۔
