فرمان الہی
نماز کے اوقات
وزیرِ اعلیٰ سندھ سید مراد علی شاہ نے کراچی میں کل عام تعطیل کا اعلان کر دیا۔
وزیرِ اعلیٰ سندھ کے میڈیا کنسلٹنٹ عبدالرشید چنا کے مطابق وزیرِ اعلیٰ سندھ سید مراد علی شاہ نے اپنی زیرِ صدارت کراچی کی صورتِ حال پر ہنگامی اجلاس میں یہ اعلان کرتے ہوئے عوام کو گھروں میں رہنے کا مشورہ دیا اور کہا کہ مزید بارش کا امکان ہے، عام تعطیل کی ہے تاکہ عوام کو تکلیف نہ ہو۔
اجلاس میں صوبائی وزراء شرجیل میمن، ناصر حسین شاہ، سعید غنی، ضیاء الحسن لنجار، مخدوم محبوب الزمان، چیف سیکریٹری آصف حیدر شاہ، آئی جی پولیس غلام نبی میمن، کمشنر کراچی حسن نقوی اور میئر کراچی مرتضیٰ وہاب شریک ہوئے۔
اجلاس میں وزیرِ اعلیٰ سندھ کو بریفنگ میں بتایا گیا کہ کراچی میں آج 12 گھنٹے کے دوران سب سے زیادہ 245 ملی میٹر بارش ہوئی، بارش کی صورتِ حال کے باعث ٹریفک کا نظام درہم برہم ہوا۔
بریفنگ میں وزیرِ اعلیٰ سندھ سید مراد علی شاہ کو بتایا گیا کہ اس وقت اہم شاہراہیں کسی حد تک کلیئر کر دی گئی ہیں، نالوں کے ذریعے بارش کا پانی نکال رہے ہیں، صورتِ حال بہتری کی جانب گامزن ہے۔
