فرمان الہی
نماز کے اوقات
پاکستان تحریک انصاف کی مرکزی قیادت کی جانب سے بانی پی ٹی آئی کا پیغام محمود خان اچکزئی کو پہنچا دیا گیا۔
اپوزیشن ذرائع کے مطابق محمود اچکزئی کو پی ٹی آئی قیادت نے اپوزیشن لیڈر سے متعلق بانی کے فیصلے سے آگاہ کیا۔
اس حوالے سے پی ٹی آئی رہنما علی محمد خان کا کہنا ہے کہ اپوزیشن لیڈر سے متعلق بانی پی ٹی آئی کا فیصلہ حتمی ہے۔
انہوں نے کہا کہ پہلی کوشش ہے عمر ایوب اور شبلی فراز کو عدالت سے جو ریلیف ملا اس سے فائدہ اٹھایا جائے، اگر عمر ایوب اور شبلی فراز واپس نہیں آتے تو ان کی جگہ نئے افراد کو لگایا جائے گا۔
واضح رہے کہ گزشتہ روز پاکستان تحریک انصاف (پی ٹی آئی) کے بانی نے محمود خان اچکزئی کو اپوزیشن لیڈر کے لیے نامزد کیا تھا۔
ذرائع کے مطابق سینیٹ میں اپوزیشن لیڈر کے لیے اعظم سواتی کو نامزد کیا گیا ہے۔
پارٹی ذرائع کے مطابق بانی پی ٹی آئی نے اڈیالہ جیل میں ملاقات کے لیے آنے والوں کو اپوزیشن لیڈرز سے متعلق آگاہ کیا تھا۔
