فرمان الہی
نماز کے اوقات
وفاقی وزیر خزانہ محمد اورنگزیب نے کہا ہے کہ تاجر اور سرمایہ کاروں کو سہولت فراہم کرنا حکومت کی ترجیح ہے، پرائیوٹ شعبے نے ملک کو لیڈ کرنا ہے۔
ایک بیان میں انہوں نے کہا کہ معیشت بہتری کی جانب گامزن ہے۔ معاشی اصلاحات کا عمل جاری ہے۔
محمد اورنگزیب کا کہنا تھا کہ پاکستان کے 10 سے 15 فیصد لوگ ڈیجیٹل کاروبارسے فائدہ اٹھا رہے ہیں، مستقبل میں ڈیجیٹل اثاثوں کا رجحان بڑھے گا۔
وفاقی وزیر نے کہا کہ ڈیجیٹل سرمایہ کاری میں شفافیت کو یقینی بنانا ہوگا، دوسرے ممالک کی نسبت پاکستان کا بینکنگ نظام پیچیدہ ہے۔
ان کا کہنا تھا کہ ڈیجیٹل سرمایہ کاری سے متعلق ریگولیشنز کو بھی بہتر بنانا ہو گا، کرپٹو مائننگ بھی زیرِ غور ہے، کرپٹو مائننگ سے متعلق کرپٹو کونسل تشکیل دی گئی ہے۔
محمد اورنگزیب نے یہ بھی کہا کہ ملک کی لائف لائن زرمبادلہ ہے۔ زراعت، آئی ٹی، فری لانسر کی بات ہوئی ہے، اس وقت ملک میں سرپلس انرجی ہے۔
