فرمان الہی
نماز کے اوقات
بھارت میں گوگل میپ کی ہدایت پر عمل کرتے ہوئے فیملی دریا میں بہہ گئی، حادثے میں 4 افراد کی جان چلی گئی جبکہ 5 افراد کو بچالیا گیا۔
بھارتی میڈیا کے مطابق ریاست راجستھان میں ایک دل دہلا دینے والا واقعہ پیش آیا جہاں مذہبی رسومات کی ادائیگی سے واپس آتے ہوئے فیملی حادثے کا شکار ہوگئی۔
گاڑی کا ڈرائیور راستے کے لیے گوگل میپ استعمال کر رہا تھا، ایپ نے انہیں ’سومی اپریڈا پل‘ کی طرف موڑ دیا جو کئی ماہ سے ٹریفک کے لیے بند تھا۔
پولیس کے مطابق گاڑی پل پر پھنس گئی اور اچانک دریا کے تیز بہاؤ میں بہہ گئی، اس حادثے میں 4 افراد جان سے ہاتھ دھو بیٹھے جس میں 2 خواتین اور 2 بچے شامل ہیں۔
پانچ افراد نے کھڑکی توڑ کر وین کی چھت پر چڑھ کر اپنی جان بچائی، موبائل کی ٹارچ سے ریسکیو ٹیم کو اشارے کیے، اندھیرا ہونے کے باوجود پولیس اور مقامی افراد نے کشتی کے ذریعے بروقت کارروائی کرکے 5 افراد کو زندہ بچالیا۔
حکام کا کہنا ہے کہ ایک بچہ تاحال لاپتہ ہے جس کی تلاش کے لیے ریسکیو آپریشن جاری ہے۔
