فرمان الہی
نماز کے اوقات
وزیرِ اعظم شہباز شریف نے پاکستان اسٹاک ایکسچینج کے بینچ مارک 100 انڈیکس کے 1 لاکھ 56 ہزار کی سطح عبور کرنے پر اطمینان کا اظہار کیا ہے۔
انہوں نے اپنے ایک بیان میں کہا کہ اسٹاک ایکسچینج کی کارکردگی تاجروں اور سرمایہ کاروں کی حکومتی پالیسیوں پر اعتماد کا مظہر ہے، اللّٰہ کے فضل سے ملکی ترقی کا سفر معاشی ٹیم کی محنت کی وجہ سے جاری ہے۔
ان کا کہنا تھا کہ چین کے نجی شعبے کے پاکستانی کمپنیوں سے اربوں ڈالر کے معاہدے اور ایم او یوز طے پائے، سرمایہ کاری میں اضافے سے صنعتیں لگیں گی، برآمدات میں اضافہ ہوگا اور روزگار کے مواقع پیدا ہوں گے۔
وزیرِ اعظم شہباز شریف نے کہا کہ ملکی معاشی سمت کی بہتری کے لیے معاشی ٹیم کی کوششیں قابل ستائش ہیں۔
