فرمان الہی
نماز کے اوقات
فرانس میں تقریباً 2 لاکھ افراد نے بجٹ کٹوتیوں کے خلاف احتجاجی مظاہرہ کرتے ہوئے صدر میکرون سے فوری استعفے کا مطالبہ کر دیا۔
فرانس کے مختلف شہریوں میں عوام سڑکوں پر نکل آئے، مختلف مقامات پر کچرے کے ڈبوں اور دیگر اشیاء کو آگ لگادی۔
مظاہرین نے مغربی شہر رینس میں ایک بس کو نذر آتش کردیا، پیرس میں بھی عمارت کا ایک حصہ جلا دیا۔
مظاہرین نے مختلف مقامات پر اہم سڑکیں اور ہائی ویز کو بلاک کردیا، جنوب مغربی علاقے میں بجلی کی کیبلز کو آگ لگنے سے ٹرین سروس معطل ہوگئی۔
مظاہرین کا کہنا تھا کہ حکومت کو چہرے نہیں بلکہ پالیسی بدلنا ہوگی۔
ادھر پولیس نے مظاہرین کو منتشر کرنے کے لیے لاٹھی چارج کیا اور آنسو گیس کی شیلنگ کردی، پانی کی توپیں بھی چلا دیں۔
فرانسیسی وزارت داخلہ کی جانب سے کہا گیا ہے کہ ملک بھر سے 500 کے قریب افراد کو گرفتار کر لیا گیا ہے۔
