فرمان الہی
نماز کے اوقات
بالی ووڈ کی خوبرو اداکارہ پریتی زنٹا رہائشی عمارت کے احاطے میں تصاویر بنانے پر پاپارازی فوٹوگرافرز پر برس پڑیں۔
اداکارہ پریتی زنٹا حال ہی میں ایک ناخوشگوار واقعے سے دوچار ہوئیں جب کچھ پاپارازی فوٹوگرافرز ان کی رہائشی عمارت کے احاطے میں داخل ہوئے تو انہوں نے فوٹوگرافرز کو ایسا کرنے سے روک دیا۔
پریتی زنٹا کی فوٹوگرافرز کو روکنے کی ویڈیو سوشل میڈیا پر وائرل ہوگئی، جس میں دیکھا جا سکتا ہے کہ پریتی زنٹا نے فوٹوگرافرز پر برہمی کا اظہار کیا اور سختی سے کہا کہ "ایکسکیوز می، آپ کو یہ بند کرنا ہوگا"۔
انہوں نے فوٹوگرافرز کو فوراً عمارت سے نکلنے کا کہا۔ اس سے قبل عالیہ بھٹ بھی پاپارازی کی ایسی ہی حرکت پر ناراضگی ظاہر کر چکی ہیں۔
خیال رہے کہ پریتی زنٹا نے 2018 میں ریلیز ہونے والی فلم بھیا جی سپر ہٹ کے بعد طویل وقفہ لیا تھا۔ اب وہ تقریباً 7 سال بعد فلم لاہور 1947 کے ذریعے بڑی اسکرین پر واپسی کر رہی ہیں۔
