فرمان الہی
نماز کے اوقات
اسلام آباد(ایجنسیاں)چیئرمین ایف بی آر راشدمحمود لنگڑیال نے واضح کیاہے کہ کوئی منی بجٹ نہیں آئے گا‘اضافی ٹیکسوں کیلئے منی بجٹ کی تجویز زیر غور نہیں‘آئی ایم ایف کو منی بجٹ کے بجائے ٹیکس انفورسمنٹ کے ذریعے آمدن بڑھانے کے متبادل پلان سے آگاہ کیا جائے گا۔ذرائع کے مطابق چیئرمین ایف بی آر نے کہاکہ سالانہ ٹیکس ریونیو کے ہدف میں ردوبدل کے بارے میں ابھی کچھ نہیں کہا جا سکتا‘سیلابی نقصانات کے بارے میں مختلف آپشنز پر غور کیا گیا ہے۔ذرائع وزارت خزانہ کے مطابق حکومت نے سیلاب کے نقصانات کی وجہ سے فلڈ لیوی لگانے کی تجویز پر غور کیا تھا‘منی بجٹ کی بجائے ٹیکس اقدامات پر سختی سے عمل درآمد کرکے آمدن بڑھانے پر آئی ایم ایف کو آمادہ کیا جائے گا۔دوسری جانب وزیراعظم شہباز شریف نے آئی ایم ایف سے زیادہ سے زیادہ ریلیف لینے کی ہدایت کردی۔ذرائع کے مطابق وزارت خزانہ آئی ایم ایف کو سیلاب کے نقصانات کی وجہ سے ریلیف پر آمادہ کرنے کی کوشش کرے گی۔
