فرمان الہی
نماز کے اوقات
بھارتی پنجابی گلوکار، اداکار اور فلم پروڈیوسر دلجیت دوسانجھ نے بھارتی میڈیا اور حکام کو منافقانہ رویے پر شدید تنقید کا نشانہ بنایا۔
دلجیت دوسانجھ کی پاکستان میں بھی بڑی فین فالوونگ ہے اور ان کی حالیہ فلم سردار جی 3 کو بھی یہاں شاندار پذیرائی ملی ہے۔
کوالالمپور میں اپنے حالیہ اوورا ٹور کے ایک کنسرٹ کے دوران جب بھارت کا جھنڈا نظر آیا تو دلجیت دوسانجھ نے کہا کہ یہ میرے ملک کا جھنڈا ہے اور ہمیشہ اس کا احترام کرنا چاہیے۔
انہوں نے کہا کہ میری فلم سردار جی 3 کافی عرصہ پہلے شوٹ کی گئی تھی، لیکن بھارت اور پاکستان کے درمیان کشیدگی کے بعد اس پر مجھے تنقید کا نشانہ بنایا گیا۔
دلجیت نے کہا کہ میڈیا مجھے غدار وطن بتانے میں کوئی کسر نہیں چھوڑ رہا تھا، اس وقت سب نے مجھ پر الزام لگایا، لیکن اب وہی لوگ بھارت اور پاکستان کے درمیان میچز پر کوئی اعتراض نہیں کرتے، یہ رویہ میں نے دل میں رکھا ہوا ہے اور میں بھولا نہیں ہوں۔
ان کا کہنا تھا کہ میرے پاس ہر اعتراض کا جواب ہے، لیکن میں نے خاموشی اختیار کی، اُس وقت بھی ہم نے پہلگام حملے کی مذمت کی تھی۔ ہم کبھی اپنی قوم کے خلاف نہیں جا سکتے۔
