فرمان الہی
نماز کے اوقات
امریکا میں سکھ رہنما گر پتونت سنگھ کے قتل سازش میں گرفتار بھارتی شہری نکھیل گپتا نے امریکی حکام کے سامنے نئے راز کھول دیے۔
امریکی حکام کی جانب سے جمع کروائی گئی نئی دستاویزات میں بتایا گیا کہ نکھیل گپتا بھارتی انٹیلی جنس افسر وکاش یادو کے احکامات پر عمل کر رہا تھا۔
اس میں یہ بھی بتایا گیا کہ دونوں مل کر نیپال یا پاکستان میں ایک اور سکھ رہنما کے قتل کی منصوبہ بندی کر رہے تھے۔
امریکی استغاثہ نے دونوں کو کینیڈا میں ہردیپ سنگھ نجر کے قتل سے بھی جوڑا، استغاثہ کا کہنا ہے کہ وسیع تر سازش کے شواہد نکھیل گپتا اور وکاش یادو کے درمیان سیکڑوں واٹس ایپ پیغامات اور ای میلز کے تجزیے سے سامنے آئے، نکھل گپتا اور وکاش یادو کی گفتگو عدالت میں پیش کی جائے گی۔
واضح رہے کہ نکھل گپتا کا مقدمہ 3 نومبر کو نیویارک میں شروع ہوگا۔ نکھیل گپتا کو جون 2023 میں یورپی ملک جمہوریہ چیک سے گرفتار کر کے امریکا منتقل کیا گیا تھا۔
