فرمان الہی
نماز کے اوقات
کراچی ڈیولپمنٹ اتھارٹی (کے ڈی اے) میں مشکوک بھرتیوں کی تحقیقات کے لیے 4 رکنی کمیٹی قائم کر دی گئی۔
نوٹیفکیشن کے مطابق کے ڈی اے میں بھرتیوں کی تحقیقات کے لیے قائم کمیٹی کی سربراہی اسپیشل سیکریٹری ہاؤسنگ اینڈ ٹاؤن پلاننگ کریں گے۔
ایڈیشنل سیکریٹری ہاؤسنگ اینڈ ٹاؤن پلاننگ سیکریٹری، ڈائریکٹر جنرل (ڈی جی) کے ڈی اے اور میونسپل کمشنر کے ایم سی بھی تحقیقاتی کمیٹی میں ممبران ہوں گے۔
نوٹیفکیشن کے مطابق قائم کردہ کمیٹی پبلک اکاؤنٹس کمیٹی (پی اے سی) کی ہدایت پر بھرتیوں سے متعلق تحقیقات کرے گی۔
ذرائع کے مطابق پی اے سی نے کے ڈی اے کے متعدد افسران و عملے کی بھرتی کو مشکوک قرار دیا تھا، کمیٹی سٹی ڈسٹرکٹ گورنمنٹ کے دور میں ہونے والی بھرتیوں کی تحقیقات کرے گی۔
