فرمان الہی
نماز کے اوقات
سابق فرانسیسی صدر نکولس سرکوزی کو 20 دن کی قید کے بعد پیرس کی لاسانتا جیل رہا کر دیا گیا۔
خبر ایجنسی کے مطابق عدالت نے فیصلہ دیا کہ نکولس سرکوزی لیبیا سے فنڈز لینے کے مقدمے میں اپنی سزا کے خلاف اپیل کے دوران رہا رہ سکتے ہیں۔
عدالت نے نکولس سرکوزی کو عدالتی نگرانی میں رہا کرنے کی منظوری دی جس کے تحت ان پر فرانس چھوڑنے اور وزارتِ انصاف کے کسی اہلکار سے رابطہ کرنے پر پابندی ہے۔
واضح رہے کہ رواں سال ستمبر میں عدالت نے سابق صدر کو 2007ء کی صدارتی مہم کے لیے معمر قذافی سے فنڈز لینے کے جرم میں 5 سال قید کی سزا سنائی تھی جس کے بعد اِنہیں 21 اکتوبر کو جیل بھیج دیا گیا تھا۔
