فرمان الہی
نماز کے اوقات
راولپنڈی پولیس نے مختلف علاقوں میں سرچ آپریشنز کیے ہیں جن کے دوران 1350 گھروں، 183 دکانوں اور 33 ہوٹلوں کو چیک کیا گیا۔
ترجمان پولیس کے مطابق سرچ آپریشنز میں مجموعی طور پر 1300 سے زائد افراد کے کوائف کو چیک کیا گیا، جبکہ 56 غیر قانونی مقیم افغان باشندوں اور ایک اشتہاری کو حراست میں لیا گیا۔
سرچ آپریشنز کے دوران 9 کباڑ خانے، 8 بس ٹرمینل، 4 مارکیٹس کی چیکنگ بھی کی گئی، جبکہ کرائے داروں کے کرایہ داری کوائف کی بھی چیکنگ کی گئی۔
پولیس ترجمان نے بتایا ہے کہ یہ سرچ آپریشنز تھانہ سٹی، بنی وارث خان، نیو ٹاؤن، صادق آباد ،پیر ودھائی، رتہ امرال، گنج منڈی، کلر سیداں، روات، چونترہ، گوجر خان، دھمیال، صدر واہ، نصیر آباد، مورگاہ اور سول لائنز کے علاقوں میں کیے گئے۔
