فرمان الہی
نماز کے اوقات
شادیوں کا سیزن عروج پر ہے اور سوشل میڈیا پر دلچسپ و عجیب اور دل کو چھو لینے والے لمحوں سے بھری ویڈیوز خوب وائرل ہو رہی ہیں۔
حال ہی میں بھارت میں ایک والد نے اپنی بیٹی کی سنگیت تقریب میں ڈانس کر کے انٹرنیٹ پر دھوم مچا دی۔
وائرل ہونے والی انسٹاگرام ویڈیو میں والد کو فلم ABCD 2 کے گانے ’’بے زبان پھر سے‘‘ کے ڈانس اسٹیپ انتہائی مہارت اور روانی سے دہراتے ہوئے دیکھا گیا۔ پرفارمنس دیکھ کر صارفین سوچنے پر مجبور ہو گئے کہ شاید وہ ماہر ڈانسر ہیں۔
ویڈیو نے مختلف سوشل میڈیا پلیٹ فارم پر بے پناہ داد سمیٹی۔ صارفین ایک باپ کی جانب سے اپنی بیٹی کی خوشی کےلیے اس جذبے کو سراہا۔
کمنٹس سیکشن میں صارفین نے جذباتی اور تعریفی پیغامات کی بھر مار کر دی۔
ایک صارف نے لکھا کہ یہ دیکھ کر یاد آیا کہ ہمارے ملک میں کتنے والدین نے اپنی فیملی کے لیے اپنے خواب قربان کر دیے، وہ ایسے ہی ڈانس کر سکتے ہیں اگر یہ ان کا نوجوانی کا شوق ہو۔ حیران رہ گیا!
ایک اور صارف نے مزاحیہ انداز میں کہا کہ میں نے پاپا کو دکھایا، بولے یہ اے آئی ہے!
جبکہ ایک اور نے تعریف کرتے ہوئے لکھا کہ سر! آپ نے زبردست ڈانس کیا۔ سلائیڈ گلاس موو تو کمال کی تھی۔ 360 ڈگری موو پہلی بار دیکھا۔ لاجواب!
