فرمان الہی
نماز کے اوقات
شادی کی تقریبات میں موسیقی اور ڈانس عام سی بات ہے، لیکن ایک تقریب میں بزرگ خاتون نے اپنے توانائی سے بھرپور ڈانس اور اس کے اختتام پر کامیاب قلابازی لگا کر تمام مہمانوں کو حیران کر دیا، ویڈیو سوشل میڈیا پر جنگل کی آگ کی طرح پھیل گئی۔
بھارتی میڈیا کے مطابق سرخ ساڑھی میں ملبوس اس بزرگ خاتون نے ’دو گھونٹ پلا دے ساقیا‘ گانے پر ایسی پرفارمنس دی کہ وہ سب کی توجہ کا مرکز بن گئیں، ان کی بھرپور توانائی اور تال میل کی درستگی نے اس لمحے کو یادگار بنا دیا۔
وائرل ویڈیو میں دیکھاجا سکتا ہے کہ بزرگ خاتون نے درست اسٹیپس اور جاندار تاثرات کے ساتھ موسیقی پر رقص کیا، ان کی ہر حرکت تال کے مطابق تھی اور وہ اپنی پرفارمنس سے واضح طور پر لطف اندوز ہو رہی تھیں، ان مناظر پر مہمانوں نے پرجوش ہو کر تالیاں بجائیں اور اپنے فونز پر ریکارڈنگ شروع کر دی۔
دورانِ رقص وہ ایک موقع پر آسانی سے گھٹنوں کے بل جھکیں، لیکن سب سے حیران کن لمحہ ویڈیو کے اختتام پر آیا، ایک ایسا اقدام جسے نوجوان ڈانسر بھی کرنے سے ہچکچاتے ہیں، انہوں نے انتہائی صفائی کے ساتھ قلابازی لگا کر سب کو حیران کر دیا۔
یہ ویڈیو سوشل میڈیا پر تیزی سے وائرل ہوئی ہے اور اسے 4 کروڑ 67 لاکھ سے زیادہ ویوز اور 20 لاکھ سے زیادہ لائکس مل چکے ہیں۔
صارفین کی جانب سے بزرگ خاتون کی توانائی، ہمت اور عمر کے لحاظ سے اس کمال کی پھرتی پر حیرت کا اظہار کیا گیا ہے، بعض صارفین نے انہیں ’سپر دادی‘ کا خطاب بھی دے دیا۔
