• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

NDU میں صدر سے سوال و جواب کی دلچسپ نشست، تیز سوال، تسلی بخش جواب

آج کا اخبار
اہم خبریں
30 نومبر ، 2025
اسلام آباد ( طاہر خلیل ) NDUمیں صدر سے سوال و جواب کی دلچسپ نشست ،تیز سوال کے تسلی بخش جواب سامنے آئے ،پی ٹی آئی کے ایم این اے ۔ثنا اللہ مستی خیل کاصدر آصف زرداری سےسوال تھا کہ آپ مفاہمت کےبادشاہ  ،عمران  جیل میں ہیں، استحکام کا راستہ نکالیں؟آصف زرداری کا جواب تھا مفاہمت اور مذاکرات کا راستہ صرف پارلیمنٹ سے نکلتا ہے، میں حکومت کے کام میں مداخلت نہیں کرتا، جب یوسف رضا گیلانی وزیر اعظم تھے اس وقت بھی ان کے کام میں کبھی مداخلت نہیں کی ، موجودہ وزیر اعظم کو بھی میں نے ہی نامزد کیا، میں میاں شہباز شریف کے کام میں مداخلت نہیں کرتا ، صدر نے کہاکہ میں مفاہمت پر یقین رکھتا ہوں ، پنجاب اسمبلی کی خاتون ایم پی اے نے 18 ویں ترمیم ، آبادی کے بڑھتے دبائو اور این ایف سی کے حوالے سے سوالات کئے ، صدر مملکت اور خاتون اول دو گھنٹے سے زیادہ دیر تک این ڈی یو تقریب میں شریک رہے ، نیشنل سیکورٹی ورکشاپ میں چاروں صوبوں سے ارکان، پارلیمنٹ ،مسلح افواج کے سینئر افسر ان ، میڈیا سے وابستہ نمائندوں اور دیگر شعبوں کی چیدہ شخصیات نے شرکت کی ۔ صدر مملکت سے این ایف سی ایوارڈ ، آبادی کی بنیاد پر وسائل کی تقسیم ،18 ویں ترمیم کی مبینہ واپسی ، سمیت سیاسی صورتحال پر کئی سوالات کئے گئے ۔
اہم خبریں سے مزید