فرمان الہی
نماز کے اوقات
پاکستان کے نامور اسٹنٹ مین سلطان گولڈن نے دو عالمی ریکارڈز بڑے مارجن سے توڑ کر پوری دنیا میں ملک کا نام روشن کردیا ۔
اسٹنٹ مین سلطان گولڈن نے آج نہ صرف پاکستان بلکہ پوری دنیا کو حیران کردیا۔
سلطان گولڈن نے 2022 کا تیز ترین ریورس ڈرائیو کا ایک میل 15سیکنڈ کا عالمی ریکارڈ توڑ کر نیا ریکارڈ قائم کیا۔
صرف 57 سیکنڈز میں فاصلہ طے کیا، یہی نہیں، سلطان گولڈن نے ایک اور عالمی ریکارڈ دور مقام سے ریورس ریمپ جمپ کا 11سال قبل قائم کردہ ریکارڈ بھی توڑ دیا۔
ریورس میں 121.72فٹ فاصلے کا جمپ کیا جبکہ سابقہ عالمی ریکارڈ 89 فٹ3.25 انچ تھا، سلطان گولڈن نے کامیابی کو محنت اور قوم کی دعاؤں کا نتیجہ قرار دیا۔
ریکارڈ توڑنے پر شائقین کی جانب سے سلطان محمد گولڈن کو بھرپور داد دی گئی۔
عالمی ریکارڈ توڑ کر ملک کا نام روشن کرنے پر گورنر اور وزیراعلی بلوچستان نے سلطان گولڈن کو مبارک باد دی۔
وزیر اعلیٰ نے سلطان گولڈن کے لئے 5 کروڑ روپے کا اعلان کیا، ایونٹ میں سلطان گولڈن کے صاحبزادے عمر فاروق گولڈ نے بھی کار ریمپ جمپ کا شاندار مظاہرہ کیا۔
عالمی ریکارڈز توڑنے کے مظاہرے جیو سوپر اور جیو نیوز پر براہ راست نشر کیے گئے۔
