لندن( جنگ نیوز)دنیا بھر میں سپر فلو کا پھیلاؤ اسپتالوں پر دباؤ میں خطرناک حد تک اضافہ ہوگیا۔ مریض پچھلے ہفتے کی نسبت 50فیصد زیادہ ،بچے اور بزرگ سب سے زیادہ متاثر،کچھ اسکول عارضی بند اور کچھ میں اوقات کم کیا گیا ہے۔ عالمی ادارہ صحت (ڈبلیو ایچ ا و) کے مطابق فلو کی نئی قسمA(H3N2) کے ذیلی گروپ سب کلاڈ K کے باعث برطانیہ سمیت کئی یورپی ممالک میں انفلوئنزا کے کیسز میں تیزی سے اضافہ ہوا ہے۔برطانوی محکمہ صحت کے مطابق اسپتالوں میں روزانہ اوسطاً 2600سے زائد مریض داخل ہو رہے ہیں، جو پچھلے ہفتے کے مقابلے میں 50فیصد زیادہ ہے۔برطانوی وزیر صحت کا کہنا ہے کہ موجودہ صورتحال کوویڈ کے بعد اسپتالوں پر سب سے بڑا دبا ہے، ڈبلیو ایچ او کا کہنا ہے کہ نئی قسم زیادہ خطرناک نہیں لیکن اس کا پھیلا ئو معمول سے پہلے شروع ہو گیا ہے۔سپر فلو سے بچوں اور بزرگوں میں متاثرین کی شرح سب سے زیادہ ہے جبکہ کچھ اسکول عارضی طور پر بند اور کچھ میں اوقات کم کیا گیا ہے۔
فرمان الہی
نماز کے اوقات
