فرمان الہی
نماز کے اوقات
ڈی آئی جی ٹریفک پولیس کراچی پیر محمد شاہ نے کہا ہے کہ جب سے ای چالان شروع ہوئے عوام نے گاڑیوں کی جعلی نمبر پلیٹس لگائی ہیں۔
جیو نیوز کے پروگرام جیو پاکستان میں گفتگو کرتے ہوئے ڈی آئی جی ٹریفک پولیس کراچی پیر محمد شاہ نے کہا کہ جعلی نمبر پلیٹس اور جن پلیٹس کا نمبر چھپا ہوا ہے ان پر جرمانہ ہوگا۔
انہوں نے کہا کہ جعلی نمبر پلیٹس والے مجرم ہیں انہیں جیل بھیجنا چاہیے۔
ان کا مزید کہنا تھا کہ ای چالان شروع ہونے کے بعد سے حادثات میں 50 فیصد کمی ہوئی ہے، دنیا بھر میں حادثات ہوتے ہیں، ایسا نہیں ہوسکتا یہ سسٹم آنے سے حادثات نہ ہوں۔
