فرمان الہی
نماز کے اوقات
اسلام آباد ہائی کورٹ نے آئندہ ہفتے کے لیے ججز کا ڈیوٹی روسٹر جاری کر دیا۔
جسٹس طارق محمود جہانگیری ڈی نوٹیفائی ہونے کے باعث ججز روسٹر میں شامل نہیں ہیں۔
طارق محمود جہانگیری کی برطرفی سے جسٹس محسن اختر کیانی کا ڈویژن بینچ غیرفعال ہو گیا، جسٹس اعجاز اسحاق اور جسٹس خادم حسین سومرو آئندہ ہفتے کیسز کی سماعت کے لیے دستیاب نہیں۔
ججز روسٹر کے مطابق آئندہ ہفتے 6 سنگل اور 3 ڈویژن بینچز کیسز کی سماعت کے لیے دستیاب ہوں گے، پہلا ڈویژن بینچ چیف جسٹس سرفراز ڈوگر اور جسٹس اعظم خان پر مشتمل ہو گا۔
ججز ڈیوٹی روسٹر کے مطابق دوسرے اسپیشل ڈویژن بینچ میں جسٹس بابر ستار اور جسٹس ثمن رفعت امتیاز شامل ہیں۔
روسٹر میں بتایا گیا ہے کہ جسٹس بابر ستار کی سربراہی میں اسپیشل ڈویژن بینچ ٹیکس کیسز کی سماعت کرے گا، تیسرے ڈویژن بینچ میں جسٹس ارباب طاہر اور جسٹس انعام امین منہاس شامل ہوں گے۔
ڈیوٹی روسٹر 22 اور 23 دسمبر کے لیے جاری کیا گیا ہے، 24 دسمبر سے موسمِ سرما کی تعطیلات ہوں گی۔
