فرمان الہی
نماز کے اوقات
پاکستان کی معروف اداکارہ صبا قمر حال ہی میں اپنے کیریئر کے ایک منفرد مرحلے میں ہیں، جہاں وہ بیک وقت کئی اہم پروجیکٹس اور کرداروں کا بوجھ سنبھال رہی ہیں۔
گزشتہ دو دہائیوں کے کیریئر میں صبا کو ان کے انتخاب کردہ کرداروں کی وجہ سے عموماً سنجیدہ اداکارہ کے طور پر جانا جاتا ہے، حالیہ برسوں میں ان کے کردار زیادہ جذباتی اور شدید رہے ہیں۔
صبا قمر خود تسلیم کرتی ہیں کہ ایسے کردار ان کی ذہنی صحت پر اثر انداز ہوتے ہیں۔
ان کا کہنا ہے کہ ہاں یہ میری ذہنی صحت پر اثر ڈالتی ہیں، یہ کردار جذباتی طور پر بہت ڈیمانڈنگ ہوتے ہیں اور آسانی سے ختم نہیں کیے جا سکتے، ہر کردار اپنے ساتھ ایک تجربہ چھوڑ جاتا ہے، جیسے حقیقی زندگی کے تجربات، آپ اس سے سیکھتے ہیں، بالغ اور باشعور بنتے ہیں اور کچھ حصہ ہمیشہ آپ کے ساتھ رہتا ہے۔
اداکارہ کے مطابق میرا کردار کے ساتھ تعلق اس وقت شروع ہوتا ہے جب میں پہلی بار اسکرپٹ دیکھتی ہوں، میں اسے صرف اسکرپٹ کے طور پر نہیں دیکھتی، میں کردار کی روح کو سمجھنے کی کوشش کرتی ہوں، وہ کیا محسوس کر رہی ہے، کیا چھپا رہی ہے، کون سے زخم اس کے ساتھ ہیں۔
انہوں نے کہا کہ میں ہمیشہ احترام کے ساتھ یہ کہتی ہوں کہ یہ حدود ہمیں متاثر کر سکتی ہیں، لیکن یہ ہمیں تخلیقی طور پر محدود نہیں کرتیں، یہ ہمیں زیادہ سوچ سمجھ کر باریکی اور گہرائی کے ساتھ اظہار کرنے پر مجبور کرتی ہیں۔
صبا کا کہنا ہے کہ تجربے نے میری انسٹینکٹس کو بہتر کیا ہے اور میں اصل تعریف اور دکھاوا کرنے والی تعریف میں فرق محسوس کر سکتی ہوں میں اپنے سیٹ پر ایگو کے بغیر کام کرتی ہوں، میں کہانی کی خدمت کے لیے یہاں ہوں، اپنے ایگو کے لیے نہیں، اگر ہدایتکار کو لگے کہ لمحہ بہتر کیا جا سکتا ہے، تو میں خوشی سے بار بار کوشش کرتی ہوں۔
