فرمان الہی
نماز کے اوقات
چین کے ایک گاؤں نے غیر صوبائی شادی، نکاح کے بغیر ساتھ رہنے اور غیر شادی شدہ حمل پر جرمانے عائد کر دیے۔
ساؤتھ چائنہ مارننگ پوسٹ کی رپورٹ کے مطابق چین کے شہر لنکانگ کے ایک گاؤں میں شادی اور نجی زندگی سے متعلق سخت جرمانے عائد کیے جانے پر شدید عوامی ردِعمل سامنے آیا ہے۔
چینی حکومت کے فیصلے پر سوشل میڈیا پر شدید تنقید ہوئی اور اسے غیر منصفانہ و غیر قانونی قرار دیا جا رہا ہے۔
گاؤں کی انتظامیہ کے جاری کردہ ایک نوٹس میں غیر صوبائی شادی، بغیر نکاح ساتھ رہنے اور غیر شادی شدہ حمل پر بھاری جرمانوں کا اعلان کیا گیا ہے۔
نوٹس میں کہا گیا کہ اگر کوئی شخص صوبے سے باہر شادی کرتا ہے تو اس پر 1500 یوان (60 ہزار روپے)جرمانہ عائد ہوگا، جبکہ بغیر شادی کے حاملہ ہونے پر 3000 یوان (ایک لاکھ 20ہزار روپے) جرمانہ مقرر کیا گیا ہے۔
اسی طرح بغیر نکاح ساتھ رہنے والے جوڑوں کو ہر سال 500 یوان ادا کرنا ہوں گے، مزید یہ کہ اگر شادی کے بعد 10 ماہ سے پہلے بچہ پیدا ہو جائے تو بھی 3000 یوان جرمانہ ہوگا۔
