فرمان الہی
نماز کے اوقات
روسی وزیر خارجہ سرگئی لاروف نے کہا ہے کہ ایران کے ساتھ اقتصادی تعلقات اور معاہدوں پر عمل درآمد جاری رہے گا، امریکی دھمکی سے ایران کے ساتھ معاہدوں میں تبدیلی نہیں آئے گی۔
روسی وزیر خارجہ نے مزید کہا کہ اپنے رویے سے امریکا ان قوانین کو نظر انداز کرتا ہے جن کو اس نے خود فروغ دیا اور گلوبلائزیشن کا نام دیا۔
انھوں نے کہا کہ امریکا اپنے اصولوں کی پاسداری نہیں کرتا، اس طرح کے رویے سے ظاہر ہوتا ہے کہ ہمارے امریکی ساتھی ناقابل اعتبار ہیں، ہمارے امریکی ساتھی ہمیشہ تیل کے وسائل کو اپنے مفادات کے لیے استعمال کرتے ہیں۔
سرگئی لاروف نے کہا کہ ایران اور دیگر اقتصادی شراکت داروں کے ساتھ اپنے معاہدوں پر عمل درآمد کرنا چاہیے، ہمیں اپنا کام جاری رکھنا چاہیے۔
روسی وزیر خارجہ نے کہا کہ امریکا جیسا طاقتور ملک غیر مہذب طریقے اختیار کرتا ہے تو اس کا مطلب ہے امریکی مسابقتی پوزیشن مسلسل کمزور ہوتی جا رہی ہے۔
انھوں نے کہا کہ میں نہیں سمجھتا کہ کوئی تیسرا فریق روس ایران تعلقات کی نوعیت کو بدل سکتا ہے، یہ تعلقات روس اور ایران کے صدور کے معاہدوں پر مبنی ہیں، یہ تعلقات روس اور ایران کے مفادات کے مطابق ہیں۔
