فرمان الہی
نماز کے اوقات
امریکی صدر ٹرمپ نے کہا کہ روس یوکرین مذاکرات میں بہت اچھی چیزیں ہو رہی ہیں۔
امریکا کی ثالثی میں روس یوکرین مذاکرات گزشتہ ہفتےابوظبی میں ہوئے تھے، روس یوکرین مذاکرات کا اگلا دور اتوار کو ابوظہبی میں ہوگا۔
واضح رہے کہ امریکی حکام کا کہنا تھا کہ دو روزہ مذاکرات میں فریقین کے درمیان بہت احترام دیکھا، کیونکہ دونوں تنازع کا حل چاہتے ہیں۔
حکام کا مزید کہنا تھا کہ ایک اور ملاقات ابوظہبی میں اگلے ہفتے اتوار کو ہوگی جس میں یوکرین امن معاہدے کو حتمی مرحلے کی طرف بڑھائیں گے۔
ترجمان اماراتی حکومت کے مطابق مذاکرات میں روسی یوکرینی حکام کا براہ راست رابطہ ہوا، مثبت اور تعمیری ماحول میں ہونے والی بات چیت میں امریکا کے مجوزہ امن فریم ورک کے نکات پر توجہ مرکوز کی گئی۔
روسی وزارت خارجہ اور یوکرینی صدر زیلنسکی نے مذاکرات کے اگلے دور میں شرکت پر رضامندی ظاہر کی ہے۔
